Meet Shivani Bagga
My Journey – From Healing Myself to Guiding Others
My Journey – From Healing Myself to Guiding Others
Meri healing journey 2020 mein shuru hui.
Us waqt main khud depression, anxiety aur emotional stress se guzar rahi thi. Maine apni taraf se bahut kuch try kiya, lekin mujhe woh inner peace aur positive change nahi mil pa raha tha jiske liye main taras rahi thi.
Tab meri daughter ki friend ki mother ne mujhe Reiki Healing ke baare mein bataya aur kaha ki ek baar Reiki karke dekho, shayad aapko fark mehsoos ho.
Maine Reiki healing ko sincerely start kiya. Aur mujhe khud bhi hairani hui ki kuch hi samay mein meri personality aur inner strength mein bahut bada change aane laga. Lagbhag 3 mahine mein main pehle se zyada confident, bold aur emotionally strong feel karne lagi.
Is experience ne mere andar ek nayi direction paida ki.
Maine Reiki ke further levels seekhe aur apne ghar-parivaar mein bhi healing practice karni shuru ki. Family members ke headaches, body pain aur doosri everyday problems ke liye healing ki. Unhone jab apne experiences share kiye, to mera confidence aur faith aur badhta gaya.
Dheere-dheere family aur friends ke through doosre log mujhse guidance aur healing ke liye contact karne lage. Phir clients aane lage, students judne lage aur maine online healing aur learning sessions bhi shuru kar diye.
Aaj meri journey India tak limited nahi hai. Mujhe USA, Canada, Australia aur other countries se bhi clients aur students ke saath connect hone ka mauka mila hai.
Har client mere liye sirf ek case nahi, balki ek responsibility hai. Main har situation ko samajhne, proper guidance dene aur available spiritual practices ke through sincere support karne ki poori koshish karti hoon.
Meri journey sirf healing tak nahi ruki. Maine apni learning ko aage badhate hue Reiki Healing, spiritual remedies, astrology-related guidance aur traditional spiritual practices mein bhi apna knowledge develop kiya.
Aaj main un logon ko bhi sikhati hoon jo is field mein aage badhna chahte hain.
🌸 What I Teach
* Reiki Healing & Reiki Courses
* Spiritual Healing & Energy Practices
* Remedies & Spiritual Guidance
* Astrology-related Learning & Guidance
* Traditional Sadhana & Spiritual Practices
* Nav/Maha Devi Vidya related learning
* Online Classes & Personal Guidance
Mera purpose hai ki jo knowledge aur experiences mujhe meri journey mein mile, unhe sincere intention ke saath un logon tak pahunchaya ja sake jo healing, spirituality aur self-growth ko samajhna aur seekhna chahte hain.
2020 mein maine healing ki journey khud ko heal karne ke liye shuru ki thi.
Aaj wahi journey mujhe doosron ko guide aur empower karne ki inspiration deti hai.
Begin Your Journey Towards Clarity, Balance & Inner Peace.
Connect with us for personalized Vedic astrology consultations, spiritual guidance, and gemstone recommendations.
